بچه کنکوریای شهررضی

آدرس جدیدسایت بچه کنکوریای رضی www.reza-asghari75.ir

 
ای ایرانا باش جنت اعلا آنایوردوم
نویسنده : رضااصغری رزی - ساعت ٦:٤۳ ‎ب.ظ روز چهارشنبه ٢٧ شهریور ۱۳٩٢
 

ای     ایرانا     باش     جنت    اعلا    آنایوردوم

هر   درد   و   غم   و  غصیه   داوا   آنایوردوم

سنن  نجه  من  آیری  دوشوم  توپراغی سرمه

 جان  سیز  بدن  جان  ورن  عیسی آنایوردوم

آیدان ایشیق آولدوز کیمی پارلاق  دی گوزومده

 تاریخ    ده   یوزون   ملتی    شیدا  آنایوردوم

بیرک  کیبی  سرباز و سارای  تک گلین اون وار  

ای  سینه  سپر  داغ   کیمی   برنا  آنایوردوم

عمرون  غمینن  کچدی  و  باش  جورا  دیکداون

آزاده   وطن     سوگیلی     سودا    آنایوردوم

نامحرم  اوچون  داش  داشا ال وردی داغ اولدی

 اوت  دشمن   یولدوردی  و   فاضلا   آنایوردوم

ستار   و   فضولی   یتیرن   عرصه  ی   عشقه

بابک   آتاسی  نغمه   سی  سازدا  آنایوردوم

ایرج  کیمی  شهزاده   و   پروین   و   نسیمی 

آغوشین    آلمیش    غمی    دریا    آنایوردوم

قافلان قو  و  قرنقو   گوشا    چای   قزل  اوز

آیدن  سو تکین چشمه سی  جشدا آنایوردوم

بوز قوش و سهند و سبلان قوچ داغی جوشین

بیگانیه    داش     یولداشا     حلوا    آنایوردوم

ساقی  وطن  اولدی  سن  اوچون  منبع الهام

 فخر  ایله   گوزل   اولکه   و   دونیا   آنایوردوم


ساقی